Total Pageviews

Wednesday, 22 February 2012

இணைய வசதியின்றிய செல்போன்களிலும் பொக்கட் விக்கிபீடியா

|0 comments

அறிவுத்தேடலின் பிரமாண்டமான பொக்கிஸமாகவும், திறந்த வெளியாகவும் காணப்படும் விக்கிபீடியா தளமானது உலகில் அறிவுத்தேடலுடன் பரந்து வாழும் மக்கள் மத்தியில் மிக பிரபல்யம் வாய்ந்ததாக காணப்படுகின்றது. இதனால் அலெக்ஸா வரிசைப்படுத்தலிலும் மிகச்சிறந்த இடத்தில் காணப்படுகின்றது.

இத்தளத்தில் ஆங்கிலத்தில் மட்டும் 3.8 மில்லியனுக்கும் அதிகமான கட்டுரைகள் காணப்படுவதும் ஒரு சிறப்பம்சமாகும். எனினும் இப்பயனுள்ள தளத்தை இணைய இணைப்பு காணப்படுகின்ற சந்தர்ப்பங்களிலேயே பயன்படுத்தக்கூடியவாறு காணப்பட்டமை ஒரு எதிர் விளைவாகவே காணப்பட்டது. இதனால் இணைய வசதியற்ற பல லட்சக்கணக்கான மக்கள் பயனடைய முடியாத சூழ்நிலை காணப்பட்டது.

ஆனால் தற்போது அதற்கும் தீர்வு கிடைத்துவிட்து. அதாவது இணைய இணைப்பு அற்ற நிலையில் விண்டோஸ் இயங்குதளத்தை கொண்ட உங்கள் செல்போன்களிலும் இதற்கான மென்பொருளை நிறுவி பயன்படுத்த முடியும்.

'பொக்கட் விக்கிபீடியா' என அழைக்கப்படும் இந்த மென்பொருளில் 24,000 படங்கள் காணப்படுவதுடன் 14 மில்லியன் வரையிலான கட்டுரைகளும் இடம்பெற்றுள்ளன. 175MB அளவைக்கொண்ட இந்த மென்பொருளானது விண்டோஸ், லினக்ஸ் இயங்குதளங்களிலும் செயற்படக்கூடியது.

அனுப்பிய மெயிலை நிறுத்துவதற்கு கூகுளின் புதிய வசதி

|0 comments
 

மெயில் சர்வர்களில், மின்னஞ்சல் செய்தி ஒன்றை அனுப்ப கட்டளை கொடுத்தவுடன் அந்த மெயில் உடனடியாக அனுப்பப்படும் நபரின் இன் பாக்ஸுக்கு அந்த மின்னஞ்சல் சென்றுவிடும்.இணையப் பழக்கவழக்கங்களில் பல வகை மாற்றங்களைக் கொண்டு வரும் கூகுள் நிறுவனம், இதிலும் ஒரு புதிய வசதியைத் ஏற்படுத்தியுள்ளது. நாம் அனுப்பிய மெயிலைத் திரும்பப் பெற எண்ணினால், உடனடியாக அதன் சேவையை நிறுத்திவிடலாம்.

இந்த வசதியைப் பயன்படுத்த, மெயிலை அனுப்பிய சில நொடிகளில் செயல்படுத்த வேண்டும். அதிக பட்சம் 30 நொடிகளில் இதனை மேற்கொள்ள வேண்டும். இதற்கு Undo Send என்ற பட்டனை அழுத்த வேண்டும். இந்த கட்டளை, மெயிலைப் பெறுபவரின் இன் பாக்ஸில் இருந்து அழிப்பதன் மூலம் நடைபெறுவதில்லை.
மெயில்கள் வரிசையில் நிற்கும்போது அவை தடுக்கப்படுகின்றன. மீண்டும் அனுப்பியவரே, Undo Send என்பதனை நீக்கினால் தான் அந்த மெயில் அனுப்பப்படும். இதனைச் சோதனை செய்திட, நீங்களே உங்கள் இமெயில் முகவரிக்கு ஒரு மெயிலை அனுப்பி, உடனேயே கேன்சல் செய்து பார்க்கலாம். இந்த வசதி வெப் அடிப்படையில் இயங்கும் ஜிமெயில் தளத்தில் மட்டுமே கிடைக்கிறது.

இந்த வசதியைப் பெற முதலில் இதனை இயக்கிவைத்திட வேண்டும். உங்கள் ஜிமெயில் அக்கவுண்ட்டில் நுழையவும். மெயில் தளத்தின் மேலாக, வலது புறத்தில் உள்ள செட்டிங்ஸ் ஐகானில் கிளிக் செய்திடவும். கிடைக்கும் மெனுவில் Settings என்பதனைத் தேர்ந்தெடுக்கவும். பின்னர் Labs என்னும் டேப்பில் கிளிக் செய்து Undo Send என்னும் டேப் எங்குள்ளது என்று கண்டறியவும். அல்லது, சர்ச் பாக்ஸில் Undo Send என டைப் செய்து, இந்த வசதி தரப்பட்டிருக்கும் இடத்தினை அறியலாம்.

அந்த இடத்தில் உள்ள Enable என்ற பட்டனில் கிளிக் செய்து, பின்னர் Save Changes என்ற பட்டனையும் அழுத்தவும். ஜிமெயில் தளத்தில் மாறா நிலையில் இதற்கு பத்து விநாடிகள் நேரம் தான் ஒதுக்கப்பட்டுள்ளது. இதனை 5,10,20,30 நொடிகள் என மாற்றலாம். இந்த நேரத்தினை செட் செய்திட, செட்டிங்ஸ் பக்கத்தில் Undo Send கிளிக் செய்து Send cancellation period என்பதில், நீங்கள் விரும்பும் நேரத்தினை செட் செய்திடலாம்.

இதனை செட் செய்துவிட்டால், ஒவ்வொரு முறை நீங்கள் மெயில் அனுப்பிய பின்னரும், ஒரு பாப் அப் விண்டோவில் "Your message has been sent. Undo. View message" என ஒரு செய்தி கிடைக்கும். இதில் உள்ள Undo லிங்க்கில் கிளிக் செய்தால், அப்போது அனுப்பப்பட்ட அஞ்சல் நிறுத்தப்படும்.

ஜிமெயில் வசதியை இணையதள சர்வரின் மூலம் பயன்படுத்துவோருக்கு மட்டுமே இந்த வசதி கிடைக்கும். ஜிமெயிலின் SMTP அல்லது மற்ற இமெயில் கிளையண்ட் புரோகிராம்களைப் பயன்படுத்துகையில் இந்த வசதி கிடைக்காது.

அனுப்பப்பட்ட மெயிலை நிறுத்தக் கட்டளை கொடுத்த பின்னர், ஜிமெயில் அதற்கான செயல்பாட்டில் இருக்கையில், பிரவுசர் விண்டோவினை மூடினால், அந்த செயல்பாடு மேற்கொள்ளப்படமாட்டாது. அதன் பின்னர் அந்த இமெயில் அனுப்பப்படுவதனை நிறுத்த முடியாது.

கோப்புகள் மூலம் நட்பு வளர்க்க உதவும் இணையதள‌ம்.

|0 comments
 
 
 
 
இண்டெர்நெட் மூலம் கோப்புகளை பகிர்ந்துகொள்ள உதவும் மெகாஅப்லோடு இணையதளம் வம்பில் மாட்டிக்கொண்டிருப்பது உங்களுக்கு தெரிந்திருக்கலாம்.அமெரிக்க நீதிமன்றத்தில் இந்த தளத்திற்கு எதிராக வழக்கு தொடர்ப்பட்டு அதன் உரிமையாளரான டாட்காம் நியூசிலாந்தில் கைது செய்யப்பட்டுள்ளார்.
இணைய சுதந்திரத்தை பறிக்கும் சோபா கருப்பு சட்டத்தை எதிர்த்து மாபெரும் போராட்டம் நடத்தப்பட்டதற்கு அடுத்த நாள் இந்த சம்பவம் நடதிருப்பது தற்செய்லா என்று தெரியவில்லை.
மெகாஅப்லோடு விவகாரம் பற்றி தனி பதிவு எழுத திட்டமிட்டுள்ளேன்.இப்போது மெகாஅப்லோடு போலவே கோப்புகளை பகிர உதவும் புதியதொரு இணையதளமான பைல்பிரண்ட் பற்றி பார்ப்போம்.
கோப்புகளை இமெயில் வாயிலாக அனுப்பி வைக்க முயன்று கொண்டிருந்தது எல்லாம் ஒரு காலம். இப்போதெல்லாம் கோப்புகளை அனுப்ப எங்ககிட்ட வாங்க நாங்க பார்த்துகிறோம் என்று சொல்லும் இணைய சேவைகள் நிறைய இருக்கின்றன.
பைல்பிரண்ட் இந்த பிரிவில் புதிய வரவு.ஆனால் கவனத்தை ஈர்க்ககூடிய வகையில் கூடுதலான அம்சத்தோடு அறிமுகமாகியுள்ளது.
இந்த தளத்தில் கோப்புகளை பகிர்ந்து கொள்ளும் போது அவற்றை பேஸ்புக் டிவிட்டர் போன்ற சமூக வலைப்பின்னல் தொடர்புகளோடும் பகிர்ந்து கொள்ளலாம்.இதன் காரணமாக நீங்கள் பதிவேற்றும் கோப்புகளை உங்கள் நண்பர்களும் பார்க்கலாம்,டவுன்லோடு செய்யலாம்.
பொதுவாக கோப்பு பகிர்வு தளங்களில் குறிப்பிட்ட கோப்பை பகிர்ந்து கொண்டுவிட்டு அதற்கான இணைய முகவரியை அனுப்பி வைத்தால் அந்த முகவரியை கொண்டு உரிய கோப்பை அவர்கள் டவுண்லோடு செய்து கொள்ளலாம்.
பைல் பிரண்ட் தளத்தில் நேரடியாகவே நண்பர்கள் வட்டத்தில் கோப்புகளை பகிர்ந்து கொள்ளலாம்.பைல் பிரண்டில் கோப்புகளை பதிவேற்றுவது மிகவும் சுலமம்.கிளிக் செய்து தளத்திற்குள் ஏற்றிவிடலாம்.அதன் பிறகு பயனாளிகள் தங்களின் பேஸ்புக் உள்ளிட்ட சமூக வலைப்பின்னல் சேவைகளில் அதனை இணைத்துவிடலாம்.
இதன் மூலம் அவர்கள் நட்பு வட்டத்தில் உள்ள அனைவரும் அந்த கோப்பை பெற முடியும்.அவர்களின் நட்பு வட்டத்தில் உள்ளவர்களும் பெற முடியும்.
கோப்புகளை பகிர்டந்து கொள்ளாமல் சேமித்து மட்டும் வைக்கலாம்.அதாவது ஒரு பேக் அப்பாக பயன்ப்டுத்தலாம்.பின்னர் தேவைப்படும் போது அவற்றை தேடி எடுத்து பயன்படுத்தலாம்.
கோப்புகளை நண்பர்களோடு பகிர்ந்து கொள்ளலாம்.விரும்பினால் தளத்தின் மற்ற உறுப்பினர்களோடும் பகிர்ந்து கொள்ளலாம்.அதே போல மற்ற உறுப்பினர்கள் பொது பிரிவில் பகிர்ந்து கொள்ளும் கோப்புகளை நாமும் பார்வையிடலாம்.கோப்புகள மூலமே நட்பையும் வளர்த்து கொள்ளலாம்.
மிக எளிமையான வடிவமைப்பு இந்த தளத்தின் சிறப்பம்சம்.இந்த மாத இறுதிக்குள் உறுப்பினராக சேர்ந்தால் ஓராண்டு கட்டணம் கிடையாதாம.
இணையதள முகவரி;http://www.filefriend.com/index.html

கூகுளின் இலவச மென்பொருட்களை ஒரே தடவையில் தரவிறக்கம் செய்வதற்கு

|0 comments
 
 


கூகுள் தளம் வாசகர்களுக்காக சில பயனுள்ள மென்பொருட்களை அளிக்கிறது. இந்த மென்பொருட்கள் அனைத்தையும் ஒரே கிளிக்கில் தரவிறக்கம் செய்ய முடியும்.

இந்த பட்டியலில் கூகுளின் மென்பொருட்கள் மட்டுமின்றி கூகுள் பரிந்துரை செய்யும் சில பயனுள்ள மென்பொருட்களும்(Firefox, Avast, Skype) உள்ளன.

இந்த மென்பொருட்களையும் நீங்கள் தரவிறக்கம் செய்து கொள்ளலாம். இந்த Packல் 14 இலவச மென்பொருட்கள் உள்ளது. இதில் 6 மென்பொருட்கள் கூகிளின் மென்பொருட்களாகும். இதர மென்பொருட்கள் வேற்று நிறுவனங்களின் மென்பொருட்கள். விண்டோஸ் XP, Vista, 7 ஆகிய இயங்கு தளங்களில் இந்த மென்பொருளை நிறுவலாம்.

இந்த மென்பொருட்களை தரவிறக்கம் செய்ய கீழே கொடுத்துள்ள லிங்கில் செல்லுங்கள். அதன் பின் ஒரு விண்டோ ஓபன் ஆகும். இதில் மென்பொருட்களின் பட்டியல் இருக்கும்.

அதில் உங்களுக்கு தேவையான உங்கள் கணணியில் இல்லாத மென்பொருட்களை டிக் செய்து கொள்ளுங்கள்.

தேவையானதை டிக் செய்து கீழே உள்ள தரவிறக்க பட்டனை அழுத்தினால் போதும் நீங்கள் டிக் செய்த மென்பொருட்கள் உங்கள் கணணியில் தரவிறக்கம் ஆகிவிடும். பின்பு இன்ஸ்டால் செய்து நீங்கள் பயன்படுத்தி கொள்ளலாம்
 
 
 
 
"தூய்மை, பொறுமை, விடாமுயற்சி
ஆகிய இம்மூன்றும் வெற்றிக்கு இன்றியமையாதவையாகும்"
-விவேகானந்தர்

Popular Posts